Qańtar aıynda elimizdiń palýandary birqatar iri jarystarǵa qatysady
ASTANA. Qańtardyń 7-si. QazAqparat - Elimizdiń grek-rım kúresiniń palýandary qańtardyń 15-17-si aralyǵynda Reseıdiń Túmen qalasynda ótetin Ivan Poddýbnyıdy eske alý týrnırine qatysady.
Bul aqparatty sport.gazeta.kz saıty taratyp otyr.
Atalǵan saıttyń habarlaýynsha, palýandar ózderiniń jattyǵý jıynyn Jańa jyldyń aldynda ótkizip, qazirgi ýaqytta týrnırge daıyndyqtaryn jalǵastyrý ústinde.
Al qańtar aıynyń sońynda elimizdiń áıelder quramasy Ivan ıArygındi eske alý Gran-Prıine qatysady. Bul jarysqa daıyndyqty qyzdarymyz bir aptadan keıin jarys ótetin Krasnoıarsk qalasynda bastaıdy. Komanda quramyndaǵy 12 adamnyń arasynda elimizdiń áıelder kúresiniń kóbasshylary da bar. Máselen, baıraqty básekede 67 keli salmaq dárejesinde Beıjiń olımpıasynyń qola júldegeri Elena Shalygına, 51 keli salmaq dárejesinde Azııa chempıony Tatıana Bakatıýk Qazaqstan namysyn qorǵamaq.
