Qańtar aıynda elimizdegi turǵyn úı naryǵynda baǵanyń ózgerýi baıqaldy
ASTANA. QazAqparat - QR Ulttyq ekonomıka mınıstrligi Statıstıka komıtetiniń aqparatyna qaraǵanda, 2015 jylǵy qańtarda turǵyn úı naryǵynda baǵanyń ósýi baıqaldy.
Atap aıtqanda, ótken jylǵy jeltoqsanmen salystyrǵanda jańa turǵyn úılerdi satý baǵalary 0,8 paıyzǵa, abattandyrylǵan turǵyn úılerdi jalǵa berý - 0,6 paıyzǵa, abattandyrylǵan turǵyn úılerdi alyp satý - 0,4 paıyzǵa, abattandyrylmaǵan turǵyn úılerdi alyp satý - 0,2 paıyzǵa ósken.
Málimetterge qaraǵanda, 2015 jyldyń qańtarynda jańa ári árlengen páterlerdiń respýblıka boıynsha ortasha baǵasy 1 sharshy metrine 223-330 myń teńgeni quraǵan. Bul kórsetkish 2014 jyldyń jeltoqsanyna qaraǵanda 0,8 paıyzǵa, 2014 jyldyń qańtaryna qaraǵanda 11,9 paıyzǵa joǵary. Al abattandyrylǵan turǵyn úılerdi alyp-satýdyń ortasha baǵasy sharshy metrine 174 870 teńgeni qurasa, osy sanattaǵy turǵyn úılerdi jalǵa berý baǵasy sharshy metrine 1 myń 246 myń teńgege jetip otyr.
