Qańtar aıynda elimizdegi turǵyn úı naryǵynda baǵa kóterildi - Statıstıka
ASTANA. 7 aqpan. QazAqparat - 2013 jylǵy qańtarda turǵyn úı naryǵyndaǵy baǵanyń ósýi baıqaldy. Bul týraly Statıstıka agenttiginiń baspasóz qyzmetinen habarlandy.
Atap aıtqanda, agenttik málimetterine sáıkes, 2013 jylǵy qańtarda kórkeıtilgen turǵyn úılerdi jalǵa berý quny 2,2 paıyzǵa qymbattaǵan.
«Sonymen qatar, kórkeıtilgen turǵyn úılerdi alyp satý baǵasy 1,2 paıyzǵa, kórkeıtilmegen naryqtaǵy úı baǵasy 1 paıyzǵa, al jańa salynǵan turǵyn úılerdi satý baǵalary 0,9 paıyzǵa ósti», - delingen baspasóz habarlamasynda. Bul rette jańa turǵyn úılerdi satý baǵasy sharshy metrine 174 myń 151 teńgeni qurap otyr. Al kórkeıtilgen turǵyn úılerdiń sharshy metri 131 myń 79 teńgeni, odan tómengi sanattaǵy úılerdi alyp satý sharshy metrine 77 myń 35 teńgeni quraǵan.
