Qańtar aıynda elimizde aýa raıy qandaı bolady
Qańtardyń birinshi onkúndiginde Qazaqstanda qarqyndy Atlantıkalyq jáne Ońtústik tsıklondardyń áserimen qubylmaly kún raıy kútiledi. Respýblıkanyń soltústik jartysynda mol qar jaýyp, burqasyn boljanady. Ońtústik bóliginde – jaýyn-shashyn (jańbyr, jylbysqy qar), ońtústik jáne shyǵys aýdandarda qatty jaýyn-shashyn jaýýy yqtımal. Respýblıkanyń ońtústik-batys jartysynda tuman jáne kóktaıǵaq kútiledi. Eldiń basym bóliginde jeldiń kúshi 15-20 m/s, ekpini 23-28 m/s quraıdy.
Respýblıkanyń basym bóliginde aýa temperatýrasy túnde -15-25 gradýstan -3-12 gradýsqa deıin, kúndiz -7-15 gradýstan 0-8 gradýsqa deıin; elimizdiń ońtústiginde jáne ońtústik-shyǵysynda túnde -5-15 grýdastan +2° gradýsqa deıin, kúndiz 0,-8 gradýstan +1+8 gradýsqa deıin aýytqıdy.
Elimizdiń batys aýdandarynda aýa temperatýrasy túnde -5+5° gradýstan -15-25 gradýsqa deıin, kúndiz -3+8 gradýstan -10-20 gradýsqa deıin tómendeıtini kútiledi.
Birinshi onkúndiktiń sońynda Qazaqstannyń basym bóliginde soltústik-batys antıtsıklonnyn áserinen aýa temperatýrasy túnde -20-30 gradýsqa, al kúndiz -10-18 gradýsqa deıin, respýblıkamyzdyń ońtústik-batys, ońtústik jáne ońtústik-shyǵysynda túnde -10-20 gradýsqa, kúndiz -5-15 gradýsqa deıin tómendeıdi.
Konsýltatıvti boljamǵa sáıkes 2023 jyldyń qańtar aıynyń ekinshi jáne úshinshi onkúndiginde Qazaqstannyń basym aýmaǵynda kún raıy jıi ózgeredi: aıazdyń beti qaıtyp, qarly boran, burqasyn jáne ekpindi jel kútiledi.
Ońtústik tsıklondardyń áserinen qarqyndy jylý tolqyndary baıqalady, bul kezde aýa temperatýrasy elimizdiń soltústik jartysynda kúndiz -5+2 gradýsqa, ońtústik jartysynda jáne ońtústik-batysynda kúndiz +2+12 gradýsqa deıin joǵarylaıdy.
Al soltústik-batys antıtsıklonnyn enýine baılanysty karqyndy sýyq tolqyndar boljanady, bul kezde aýa temperatýrasy respýblıkamyzdyń soltústik jartysynda jáne ortalyǵynda túnde -25-35 gradýsqa, kúndiz -15-25 gradýsqa deıin, ońtústik jartysynda jáne ońtústik-batysynda túnde -12-22 gradýsqa, kúndiz -3-15 gradýsqa deıin tómendeıdi.
«Bir aıǵa arnalǵan boljam konsýltatıvtik retinde paıdalanylýy kerek. Ol keıinnen sınoptıkalyq jaǵdaıdyń ózgerýine qaraı túzetiledi jáne onkúndik pen 2-3 kúndik aýa raıy boljamdarymen naqtylanady», - dedi Qazgıdrometten.
