Qańtar aıynda el ekonomıkasyna 217,7 mlrd. teńge ınvestıtsııa tartyldy - QR Statıstıka agenttigi
ASTANA. 14 aqpan. QazAqparat - 2013 jylǵy qańtarda negizgi kapıtalǵa salynǵan ınvestıtsııalar kólemi 217,7 mlrd. teńgeni qurady, bul ótken jylǵy sáıkes kezeńge qaraǵanda 7,5% artyq. Bul týraly Statıstıka agenttiginiń tóraǵasy Álıhan Smaıylov búgin ótken brıfıngte málimdedi.
Statıstıka agenttiginiń málimetterine sáıkes, 2013 jylǵy qańtarda ónerkásip óndirisiniń kólemi qoldanystaǵy baǵalarda 1 trln. 485,4 mlrd. teńgeni qurady, bul 2012 jylǵy qańtardaǵy kórsetkishten 0,7% artyq. Ken óndirý ónerkásibinde jáne karerlerdi qazýda óndiris kólemi 1,6%, elektrmen jabdyqtaý, gaz, bý berý jáne aýa baptaýda 2,7% artty. Óńdeý ónerkásibinde 0,8%, sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris 8,5% tómendedi.
Sondaı-aq, 2013 jylǵy qańtarda aýyl sharýashylyǵy jalpy óniminiń kólemi 64,6 mlrd. teńgeni qurap, 2012 jylǵy qańtarmen salystyrǵanda 1,4 paıyzǵa kemigen.
2013 jylǵy qańtarda júk aınalymynyń kólemi 34,8 mlrd. tkm (kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2012 jylǵy qańtarmen salystyrǵanda 8,2%-ǵa kemidi.
2012 jylǵy qańtar-jeltoqsanda syrtqy saýda aınalymy 136 mlrd. 825 mln. AQSh dollaryn qurap, 2011 jylǵy qańtar-jeltoqsanmen salystyrǵanda 9,8% ósti, onyń ishinde eksport - 92 mlrd. 285,6 mln. AQSh dollaryn (5,3% ósti), ımport - 44 mlrd. 539,4 mln. AQSh dollaryn qurady (20,2% ósti).
