Qańtar aıynda ekonomıkalyq ósimniń baıaýlaǵanyn baıqap otyrmyz -Úkimet basshysy
ASTANA 14 aqpan. QazAqparat /Marlan Jıembaı/ - Búgin Úkimet otyrysynda QR Premer-Mınıstri Kárim Másimov aǵymdaǵy jyldyń qańtar aıyndaǵy ekonomıkalyq ósimniń baıalaýyna qynjylys bildirdi.
«Ókinishke oraı, qańtar aıynda ekonomıkalyq ósimniń baıaýlaǵanyn baıqap otyrmyz. ıAǵnı, qańtardaǵy ekonomıkalyq ósim 4,8 paıyzdy qurady. Eger tereńirek qarar bolsaq, onda ónerkásiptik ósimde baıaýlaǵan. Sondyqtan da Sizge, Ekonomıkalyq damý jáne saýda mınıstri retinde kelesi seısenbige deıin faktorlar boıynsha saraptama jasaýdy tapsyramyn»,-dedi K. Másimov atalǵan vedomstvonyń basshysy Baqytjan Saǵyntaevqa.
Elbasynyń 7 paıyzdyq ósimge qol jetkizý týraly tapsyrmasyn oryndaý úshin kemshilikterdi túzetý qajettigin basa aıtqan Premer-Mınıstr, osy rette B. Saǵyntaevqa álemdik úrdisti, ındýstrııalandyrý kartasyn taǵy bir sholyp shyǵýdy júktedi.
Sonymen qatar bıýdjet qarajatyna salynǵan kásiporyndardyń turyp qalýyna basa nazar aýdarý kerektigin eskertken Úkimet basshysy: «Ókinishke oraı mundaı faktiler bar. Odan ekonomıka da, basqa da máseleler de zardap shegedi»,-dedi.
