Qańtar aıynda bıýdjetke 490 mlrd teńge salyq tústi
2021 jylǵy qańtar aıyndaǵy memlekettik bıýdjetke salyqtyq túsimder jospary 104,9%-ǵa , onyń ishinde respýblıkalyq bıýdjet 88,0%-ǵa jáne jergilikti bıýdjet 137,0%-ǵa oryndaldy.
Esepti kezeńde memlekettik bıýdjetke túsken salyqtyq túsimder 490,4 mlrd teńgeni qurady, 2020 jylǵa qaraǵanda 5,8%-ǵa (nemese 30,5 mlrd.teńgege) tómen. Onyń ishinde respýblıkalyq bıýdjet 14,6%-ǵa (nemese 46,1 mlrd.teńgege) tómendedi, jergilikti bıýdjet 7,6%-ǵa (nemese 15,6 mlrd. teńgege) ósti.
Respýblıkalyq salyqtar bóliginde respýblıkalyq bıýdjet jospary oryndalmaýynyń eń kóp somasy ishki óndiris taýarlaryna qosylǵan qun salyǵy boıynsha – 22,5 mlrd. teńge, korporatıvti tabys salyǵy - 14,2 mlrd. teńge (90,5%) jáne úshinshi elderden ımportqa qosylǵan qun salyǵy - 6,6 mlrd. teńge (86,8%).
Ótken jyldyń uqsas kezeńimen salystyrǵanda tómendeýdiń eń joǵarǵy somasy munaıǵa salynatyn kedendik áketý bajyna (7,5%-ǵa) tıesili.
Kiristerdiń tómendeýine mynadaı faktorlar áser etti.
2020 jyldyń uqsas kezeńimen salystyrǵanda munaı baǵasynyń 13,6%-ǵa tómendeýi baıqalady.
Úshinshi eldermen taýar aınalymy 2021 jyldyń qańtarynda 22,2%-ǵa tómendedi (eksport 31,0% - ǵa tómendedi, ımport 1,2% - ǵa ósti).
2021 jylǵy qańtarda satý boıynsha aınalym 2020 jylmen salystyrǵanda 13,8%-ǵa (6 415 mlrd.teńgeden 5 529 mlrd.teńgeden deıin) tómendedi.
Kórsetilgen kezeńde bir salyq tóleýshige onlaın baqylaý-kassa mashınalarynan ortasha túsimi 5,0%-ǵa (3,8 mln.teńgeden 3,6 mln. teńgege deıin) tómendedi.
2021 jylǵy qańtar aıynda jergilikti bıýdjetke túsetin salyqtyq túsimder jospary 59,8 mlrd.teńgege artyq oryndalyp, 137,0%-dy quraıdy.
Jergilikti bıýdjetke salyqtyq túsimder 221,5 mlrd. teńgeni qurady, 2020 jylǵy qańtar aıymen salystyrǵanda 7,6%-ǵa (nemese 15,6 mlrd.teńgege) ósti.