Qańtar aıynda berilgen elektrondyq-tsıfrlyq qoltańbalar rekordtyq kórsetkishke jetti
ASTANA. 29 qańtar. QazAqparat - Jańa jyldyń alǵashqy aıynda Qazaqstanda 130 myńnan astam elektrondyq tsıfrlyq qoltańba berilgen. Olardyń 31,5 myńǵa jýyǵy jeke kýálikterdiń chıpterine jazyldy.
Bul týraly Kólik jáne kommýnıkatsııa mınıstrliginiń baspasóz qyzmeinen habarlandy.
«Sarapshylardyń boljamy boıynsha, respýblıkanyń halyqqa qyzmet kórsetý ortalyqtarynda elektrondyq tsıfrlyq qoltańba jazý boıynsha jańa qyzmettiń paıda bolýyna baılanysty, aǵymdaǵy jyly ony alǵan qazaqstandyqtardyń sany aıtarlyqtaı ósedi. Búgingi kúni elimizde 144 Halyqqa qyzmet kórsetý ortalyqtarynda chıpke elektrondyq tsıfrlyq qoltańba jazylǵan jańa jeke kýálik berý boıynsha qyzmet kórsetedi. Halyqqa qyzmet kórsetý ortalyqtarynda elektrondyq úkimet buryshtary ashylǵan, bul jerde qazaqstandyqtarǵa elektrondyq qyzmetter alý máseleleri jóninde keńes beriledi», - delingen habarlamada.
Elektrondyq tsıfrlyq qoltańba jazylǵan kýáliktiń ıesi úıden shyqpaı-aq, kartrıderdiń kómegimen memlekettik qyzmetti onlaın túrde ala alady. Al kartrıderdi turmystyq nemese kompıýterlik tehnıka dúkenderinde satyp alýǵa bolady.
Eske sala keteıik, Ulttyq kýálandyrýshy ortalyǵy Qazaqstanda elektrondyq tsıfrly qoltańbany 2008 jyldan bastap bere bastady. Búgingi kúni respýblıkada 1 mıllıon 488 myńnan astam elektrondyq tsıfrlyq qoltańba berilgen, olardyń ishinde 109 962-si jeke kýálikterge jazyldy. 2012 jylǵy shildeniń 1-nen bastap Qazaqstan turǵyndarynyń jeke kýálikterge ETsQ quraldaryn jazý múmkindigi paıda boldy. Árbir azamattyń basty qujatyna ETsQ-ny ornalastyrýdyń basymdylyǵy qaýipsiz saqtaý bolyp tabylady, kilttiń jasyryn bóligin kóshirý múmkindigine jol berilmeıdi. Jeke kýálik joǵalǵan kezde elektrondyq qoltańbany paıdalaný múmkin emes, bul úshin pın-kod (banktik kartaǵa uqsas jasyryn kod) bilý qajet.
