Qańtar aıynda azyq-túlik 1,1% qymbattady

NUR-SULTAN. QazAqparat – Qazaqstanda qańtar aıynda azyq-túlik taýarlaryna baǵa –1,1%, azyq-túlik emes taýarlaryna jáne aqyly qyzmetterge 0,3% qymbattady, dep habarlaıdy QazAqparat.

QR Strategııalyq josparlaý jáne reformalar agenttigi Ulttyq statıstıka bıýrosynyń málimetine súıensek , qańtarda (2020 jylǵy jeltoqsanǵa qaraǵanda) baǵanyń ósýi jańa jınalǵan kókónisterge – 7,8%, jumyrtqaǵa – 6,9%, kartopqa – 5,1%, kúnbaǵys maıyna – 3,6%, qatty irimshikke – 1,3%, qantqa, jańa jınalǵan jemisterge – 1,1%, unǵa – 1%, pasterlengen sútke – 0,7%, jarmalarǵa – 0,6%, shaıǵa, toqash jáne un ónimderine, aıranǵa – 0,5%, sary maıǵa 0,4% belgilendi. Temeki ónimderi 2,5% qymbattady.

Budan bólek, avtomobılder – 1,1%, qurylys materıaldary – 0,7%, toqyma buıymdary – 0,5%, kıim jáne aıaq kıim – 0,3%, jýǵysh jáne tazalaǵysh quraldar, jeke qoldanylatyn taýarlar 0,2% qymbattaǵan. Aǵashtyń baǵasy – 0,5%, tas kómirge 0,4% ósti.

Kelesi qyzmet túrleriniń quny da joǵarylady: sálemdeme jiberý – 11,8%, notarıýs qyzmetteri, avtosaqtandyrý – 5%, densaýlyq saqtaý qyzmetteri – 0,6%, monsha- 0,3%.

Qańtar aıynda baǵa arzandady: taýyq etine jáne kúrishke 0,3%, avıabıletterge - 1,1%, turǵyn úı-kommýnaldyq qyzmetter salasynda qoqys shyǵarýǵa – 1,2%, elektr energııasyna – 0,3%.