Qańtar aıyndaǵy UBT-ǵa 90 myńǵa jýyq talapker qatysty

ASTANA. KAZINFORM – 2026 jylǵy qańtar aıynda ótken Ulttyq biryńǵaı testileýden (UBT) shamamen 90 myń talapker ótti. Test tapsyrýshylardyń 72%-y qazaq tilinde, 28%-y orys tilinde, al 71 adam aǵylshyn tilinde synaq tapsyrdy. Bul týraly Ǵylym jáne joǵary bilim mınıstrliginiń baspasóz qyzmeti habarlady. 

Eki aptanyń qorytyndysy boıynsha talapkerlerdiń 65%-y shekti ball jınaǵan. Ortasha ball bes pán boıynsha 61 baldy qurady. Eń joǵary kórsetkish – 138 ball.

Arnaıy bilim berý qajettilikteri bar talapkerler úshin qolaıly jaǵdaılar jasalǵan, nátıjesinde UBT-ǵa 260 adam qatysty. 

Test tapsyrmalarynyń mazmunyna qatysty apellıatsııa berý quqyǵy testileý aıaqtalǵannan keıin 30 mınýt ishinde bar. Tehnıkalyq máseleler týyndaǵan jaǵdaıda apellıatsııa testileý kezinde qabyldanady. Apellıatsııa qaralǵan soń nátıjeleri bar sertıfıkattar jeke kabınetterde qoljetimdi bolady. 

UBT ótkizý barysynda eki apta ishinde 173 ereje buzýshylyq tirkeldi. 108 talapker smartfon, shpargalka jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 65 adam testileý kezinde erejelerdi buzǵany úshin aýdıtorııadan shyǵarylyp, olardyń nátıjeleri joıyldy. Ózge adamdardyń ornyna test tapsyrý faktileri anyqtalǵan joq. 

2026 jylǵy UBT aıaqtalǵannan keıin 31 qazanǵa deıin beınejazbalarǵa taldaý júrgiziledi. Tyıym salynǵan zattardy qoldaný nemese erejelerdi buzý anyqtalǵan jaǵdaıda UBT nátıjeleri joıylady. 

Aıta keteıik, testileýge qatysýǵa 187 myńǵa jýyq ótinish tústi. 

Buǵan deıin