Qańtar-aqpanda JІÓ ósimi 3,5 paıyzdy qurady

NUR-SULTAN. QazAqparat – Qańtar-aqpanda jalpy ishki ónim ósimi 3,5 paıyzdy qurady. Bul týraly búgin Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Qaraý úshin 2022 jylǵa arnalǵan makroekonomıkalyq kórsetkishter men bıýdjettik parametrler boljamyn naqtylaý engizilip otyr. Makrokórsetkishterdiń boljamy syrtqy ekonomıkalyq jaǵdaıdy, álemdik ekonomıkanyń damýyn baǵalaý, sonymen qatar munaı naryǵyndaǵy úrdisterdi eskere otyryp naqtylandy. Máselen, jyl basynan beri el ekonomıkasy ósýiniń oń serpini baıqalǵan», - dedi ol.

Onyń dereginshe, jalpy ishki ónimniń ósý qarqyny qańtar-aqpan aılarynda 3,5 paıyzdy qurady.

«Sonymen qatar, halyqaralyq qarjy uıymdary osy jyly álemdik jalpy ishki ónimniń ósý perspektıvalarynyń tómendeýin kútýde. Mysaly, S&P Global Ratings agenttigi 2022 jyly álemdik ekonomıkanyń ósý boljamyn 4,2-den 3,6 paıyzǵa deıin túsirdi», - dedi mınıstr.