Qańtar-aqpanda qysqa merzimdi ekonomıkalyq ındıkator 6,7 paıyzǵa ósti
ASTANA. 14 naýryz. QazAqparat - Qańtar-aqpanda qysqa merzimdi ekonomıkalyq ındıkator 6,7 paıyzǵa ósti. Bul týraly búgin elordada ótken baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Qysqa merzimdi ekonomıkalyq ındıkator bıylǵy jyldyń qańtar-aqpanynda byltyrǵy jyldyń qańtar-aqpanymen salystyrǵanda 6,7 paıyzǵa ósti. Sonyń ishinde ónerkásip óndirisiniń kólemi 5,6 paıyzǵa artty. Qoldanystaǵy baǵalarda 2 trln 311 mlrd teńgeni qurady», - dedi ol.
Agenttik tóraǵasynyń atap ótýine qaraǵanda, ken óndirý ónerkásibinde 4,6, óńdeý ónerkásibinde - 7,6, elektrmen jabdyqtaý, gaz, bý berý jáne aýa baptaýda - 5,4, sýmen jabydyqtaýda 2 paıyz kóleminde ósý qarqyny baıqaldy.
Sondaı-aq aýyl sharýashylyǵy jalpy óniminiń kólemi 107 mlrd. teńgeni qurap, ótken jyldyń qańtar-aqpanymen salystyrǵanda 1,9 paıyzǵa artqan.
