Qańtar-aqpanda Qazaqstannyń taý-ken ónerkásibi 1,5 trln. teńge somasyna ónim óndirdi

Bul ótken jyldyń sáıkes kezeńimen salystyrǵanda 4,6 paıyzǵa artyq, dep habarlady QR Indýstrııa jáne jańa tehnologııalar mınıstrliginiń baspasóz qyzmetinen.

«Metallýrgııalyq ónerkásiptiń óndiris kólemi 292,9 mlrd. teńgeni (13,5 paıyz ósim) qurady», - delingen taratylǵan aqparatta.

Vedomstvonyń atap ótýinshe, taý-ken metallýrgııalyq keshenniń enshisine JІÓ-nyń 7 paıyzdan astamy jáne ónerkásiptik óndiristiń jalpy kóleminiń 17 paıyzdan astam tıesili. Ótken jyldyń qorytyndysy boıynsha taý-ken ónerkásibiniń óndiris kólemi 7,2 trln. teńgeni qurady. 2009 jyldyń sáıkes kezeńimen salystyrǵanda ósim 5,3 paıyzǵa teń. Al metallýrgııalyq ónerkásip óndirisiniń kólemi 1,5 trln. teńgege (10,2 paıyz ósim) jetti.

Taý-ken metallýrgııalyq keshenniń eksporttaǵy úlesi shamamen 20 paıyz. Tek ótken jylda ǵana 8 mlrd. AQSh dollarynan astam somaǵa ónim eksporttaldy. Bul 2009 jylǵy kórsetkishten 39 paıyzǵa artyq.