Qańtar-aqpanda Qazaqstanda kóterme saýda kólemi 3 paıyzǵa artty

Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.

Atap aıtqanda, 2015 jylǵy qańtar-aqpanda «Kólik» salasy boıynsha naqty kólem ındeksi 106,9 paıyzdy quraǵan. Al osy kezeńde júk aınalymynyń kólemi 78,5 mlrd. tonna/shaqyrym (kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2014 jylǵy qańtar-aqpanmen salystyrǵanda 15,5 paıyzǵa artty. Jolaýshylar aınalymynyń kólemi 40 mlrd. jolaýshy/shaqyrym qurap, kórsetkish 2,9 paıyzǵa artty.

Budan bólek, 2015 jylǵy qańtar-aqpanda «Baılanys» salasy boıynsha naqty kólem ındeksi 109 paıyzdy qurady. Al osy kezeńde «Saýda» salasy boıynsha naqty kólem ındeksi 103,2 paıyzǵa jetken.

«2015 jylǵy qańtar-aqpanda bólshek saýda kólemi (qoǵamdyq tamaqtandyrý aınalymynsyz) 857,2 mlrd. teńgeni qurap, 2014 jylǵy qańtar-aqpanmen salystyrǵanda 3,9 paıyzǵa ósti. Bul rette kóterme saýda kólemi 1993,7 mlrd. teńgeni qurap, 2014 jylǵy qańtar-aqpanmen salystyrǵanda 3 paıyzǵa artty. Sonymen qatar, esepti kezeńde tamaq ónimderi men sýsyndardy usyný boıynsha qyzmetterdiń kólemi 38,6 mlrd. teńgeni qurady», delingen baspasóz baıanynda.