Qańtar-aqpanda Qazaqstanda 153 mynan astam jeńil kólik tirkeldi
NUR-SULTAN. QazAqparat -2019 jylǵy qańtar-aqpanda Qazaqstan Respýblıkasynda 153 792 jeńil avtomobıl tirkeldi. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi.
«2019 jylǵy qańtar-aqpanda Qazaqstan Respýblıkasynda 153 792 jeńil avtomobıl tirkelgen nemese ótken jylǵy tıisti kezeńmen salystyrǵanda 13,7 paıyzǵa kóp. Qazaqstan Respýblıkasynda 2019 jylǵy 1 naýryzdaǵy jaǵdaı boıynsha tirkelgen jeńil avtomobılderdiń sany 3 669,3 myń birlikti qurady», - dep atap ótedi komıtetten.
Vedomstvo málimetinshe, aǵymdaǵy jylǵy qańtarda 2 682 adam zardap shekken 1 785 jol-kólik oqıǵasy tirkeldi. Ótken jylǵy tıisti kezeńmen salystyrǵanda jol apaty 7,2 paıyzǵa azaıdy. 2019 jylǵy 1 naýryzdaǵy jaǵdaı boıynsha saqtandyrý uıymdary kólik quraldary ıeleriniń azamattyq-quqyqtyq jaýapkershilikti mindetti saqtandyrý boıynsha 4,6 mlrd teńge somasyna 12 133 saqtandyrý tólemin júzege asyrdy.
