Qańtar-aqpanda Qazaqstan halqynyń naqty aqshalaı tabysy 2,6 paıyzǵa ósti

Bul týraly búgin 2013 jyldyń birinshi toqsanyndaǵy áleýmettik-ekonomıkalyq damý qorytyndylaryna arnalǵan QR Úkimetiniń otyrysynda Ekonomıka jáne bıýdjettik josparlaý mınıstri Erbolat Dosaev málim etti.

Ekonomıkanyń ósýimen el azamattarynyń áleýmettik ál-aýqaty da tepe-teń qamtamasyz etilip otyrǵandyǵyn basa aıtqan mınıstr: «Halyqtyń naqty aqshalaı tabysy 2013 jyldyń eki aıynda 2,6 paıyzǵa, qańtar-naýryzdaǵy naqty jalaqy 0,9 paıyzǵa, al nomınaldy jalaqy 7,8 paıyzǵa ósip, 101 myń teńgeden asty», - dedi.

Sonymen qatar E.Dosaevtyń atap óýtinshe, eńbek naryǵyndaǵy jaǵdaı turaqty bolyp otyr. Naýryzdaǵy jumyssyzdyq deńgeıi ekonomıkalyq belsendi halyqqa shaqqanda 5,3 paıyzdy qurady.

«Buǵan «Jumyspen qamtý-2020» baǵdarlamasyn iske asyrý eleýli yqpal etip otyr. Ony iske asyrý úshin 2013 jyly 71 mlrd. teńge kózdeldi. Birinshi toqsanda 19,8 myń qatysýshymen áleýmettik kelisimshartqa qol qoıyldy, olardyń jartysynan astamy jastar», - dedi ol.