Qańtar-aqpanda ınflıatsııa 1,8 paıyzdy qurady
ASTANA. QazAqparat - 2017 jylǵy qańtar-aqpan aılarynda Qazaqstandaǵy ınflıatsııa 1,8 paıyzdy qurady, dep habarlaıdy QazAqparat.
QR Ulttyq ekonomıka mınıstrligi Statıstıka komıtetiniń derekterine sáıkes, baǵa azyq-túlik taýarlaryna aǵymdaǵy jylǵy eki aıda - 2,6, azyq-túlik emes taýarlaryna - 1,3, aqyly qyzmetterge 1,2 paıyzǵa ósti.
Jyldyń basynan baǵanyń ósýi kartopqa - 15, jańadan jınalǵan kókónisterge - 13,9, sıyr etine - 5,3, sary maıǵa - 4,3, qoı etine - 4,2, jańadan jınalǵan jemisterge - 3,3, jylqy etine - 2,7, máıekti irimshikke - 2,2, konservilengen sútke, nanǵa 2,1 paıyz belgilendi. Baǵanyń tómendeýi jumyrtqaǵa - 4,7, qantqa - 3,2, qaraqumyq jarmasyna 1 paıyzǵa tirkeldi.
Baǵa ósimi avtomobılderge - 2,2, shyny jáne qyshtan jasalǵan ónimderge - 2, farmatsevtıkalyq ónimderge, jýǵysh jáne tazalaǵysh quraldarǵa - 1,4, gazetter, kitaptar jáne keńse taýarlaryna - 1,3, jıhaz jáne úıge qajetti zattarǵa, toqyma buıymdaryna, jeke qoldanatyn taýarlarǵa - 1,2, turmystyq aspaptarǵa 1 paıyzdy qurady. Benzın - 4,3, ballondaǵy suıytylǵan gaz 4,2 paıyzǵa qymbattady.
Baǵa deńgeıi quqyq qyzmetterine - 7, kólik quraldaryn saqtandyrýǵa - 6,8, densaýlyq saqtaý - 2,3, demalys, oıyn-saýyq jáne mádenıet salasyndaǵy - 1,4 paıyzǵa ósti. Qalaaralyq avtobýspen jol júrý aqysy 2,7 paıyzǵa qymbattady, al jolaýshylardyń áýe kóligimen - 9,1, temir jol kóligimen qatynaýy 0,3 paıyzǵa arzandady.
Turǵyn úı-kommýnaldyq qyzmetter salasynda tarıfter kárizge - 6,8, taratý jelileri arqyly tasymaldanatyn gazǵa - 4,2, ortalyqtan jylytýǵa - 2,4, elektr energııasyna, ystyq sýǵa - 2,3, sýyq sýǵa 2,2 paıyzǵa joǵarylady.
