Qant óndirý kólemi 49% artty - AShM

ASTANA. QazAqparat – Elimizdiń 4 oblysynda aýyl sharýashylyǵy ónimderiniń joǵary ósý qarqyny tirkeldi. Bul týraly Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Oblystar bólinisinde jalpy aýyl sharýashylyǵy ónimderiniń respýblıkalyq deńgeıden joǵary ósý qarqyny 4 oblysta baıqaldy. Olar: Qostanaı oblysynda – 119,9, Aqmola oblysynda – 116,5, Mańǵystaý oblysynda – 114,8, Soltústik Qazaqstan oblysynda 112,2 paıyz ósim tirkeldi», - dedi mınıstr.

Onyń atap ótýinshe, osy jyldyń 9 aıynda tamaq ónimderin óndirý kólemi 3,7 paıyzǵa ósip, 2,1 trln teńgeni qurady.

«Bul rette, qant óndirý kóleminiń 49,8, jarmanyń 40, ósimdik maıynyń 39,9, jańa aýlanǵan, salqyndatylǵan nemese muzdatylǵan balyqtyń 20,3, unnyń 10,2, óńdelgen kúrishtiń 8, makaronnyń 5,8, shujyq ónimderiniń 4,9 % artqany baıqaldy», - dedi Erbol Qarashókeev.