Qant qyzylshasyn Qazaqstannyń soltústik aımaqtaryna egý kerek - sarapshy

ASTANA. QazAqparat – Qazaq qaıta óńdeý jáne tamaq ónerkásibi ǵylymı-zertteý ınstıtýtynyń jetekshi ǵylymı qyzmetkeri Nurlan Daýtqanov qant tapshylyǵy máselesin sheshý joldaryn usyndy, dep habarlaıdy QazAqparat tilshisi.

«Biz Pavlodar oblysynda birqatar synaq júrgizdik. Qant qyzylshasy jaqsy ósedi. Eger múmkin bolsa, osy jaqta ósken qyzylshany temirjoldy paıdalana otyryp, Kóksý jáne Aqsý qant zaýyttaryna jetkizý qajet. Ol sýyq mezgilderde jaqsy saqtalady. Ónimdi naýryzǵa deıin soltústik aımaqtarda qoldanýǵa bolady», - dep bólisti Nurlan Daýtqanov.

Qosa ketsek, OKQ-de ótken sarapshylar jıynyna qatysqan «Qazaqstan qant, tamaq jáne qaıta óńdeý ónerkásibi qaýymdastyǵy» zańdy tulǵalar birlestiginiń prezıdenti Aıjan Abaqanqyzy qyzylshanyń sapasyna qatysty pikir bildirgen edi. Onyń sózinshe, jeke fermerler zaýyttarǵa shirigen jáne qoqys aralasqan ónim tapsyrady.

Foto: newsorel.ru