Qant qyzylshasynyń egis kólemi eki esege artady

ASTANA. KAZINFORM – Bıyl agrarlyq sala ókilderi 1,1 mln tonna qant qyzylshasyn jınaýdy josparlap otyr. 2023 jyly jalpy jınalǵan ónim 509 myń tonnany qurady, al 2017 jyldan 2023 jylǵa deıingi ortasha jyldyq ónim 337 myń tonnaǵa teń boldy.

Osyǵan baılanysty Jambyl oblysy fermerleri úshin shıkizatty satý jáne óńdeý máselesi erekshe ózekti bolyp tur, dep habarlaıdy QR Aýyl sharýashylyǵy mınıstrliginiń baspasóz qyzmeti.

Premer-Mınıstrdiń tapsyrmasy boıynsha Aýyl sharýashylyǵy mınıstri Aıdarbek Saparov qant qyzylshasyn ekken fermerlermen kezdesti, egisti aralap kórdi, agrarlyq sala ókilderiniń problemalaryn tyńdady.

Aıdarbek Saparov «Merke qanty» JShS-ne bardy, ol qyrkúıek aıynyń basynan bastap iske qosylýǵa daıyndalyp jatyr. Kelisimge qol jetkizilgendeı, kásiporyn jańa ónimniń basym bóligin óńdeýi kerek. Qalǵan kólemi «Aqsý qanty» zaýytyna jiberiledi. Osy maqsatta oblys Taraz qalasynda otyrǵyzý alańy bar temirjol torabyn daıyndaıdy.

Eske sala keteıik, bıyl Memleket basshysynyń tapsyrmasy boıynsha ónim jáne ony jınaý jumystaryn qarjylandyrý 3,1 esege arttyryldy. Bul qarajat agrarlyq sala ókilderine agrotehnologııalardy saqtaýǵa jáne qajetti resýrstardy ýaqtyly satyp alýǵa múmkindik berdi. Qabyldanǵan sharalardyń nátıjesinde jambyldyq fermerler alǵash ret 550 myń tonna qant qyzylshasyn ósire aldy. Óńdeýdi qoldaý úshin memleketten 1 kg qant qyzylshasyna 25 teńge kóleminde sýbsıdııalar da bólinedi.

Osyǵan deıin Jetisý oblysynda qant qyzylshasy alqabyn úsh ese ulǵaıtý josparlanyp otyrǵanyn jazdyq.