Qant qalasynda shaǵyn fýtboldan Qazaqstan ashyq chempıonatynyń ekinshi týr oıyndary ótedi
ALMATY. Qarashanyń 30-y. QazAqparat /Erlik Erjanuly/ - Jeltoqsannyń 2-6 kúnderi Qyrǵyzstannyń Qant qalasynda shaǵyn fýtboldan Qazaqstannyń 2009/2010 jyldardaǵy ashyq chempıonatynyń 2-shi týr oıyndary ótedi,
dep habarlaıdy QazAqparat.
Buǵan deıin birinshi týr oıyndary qazannyń 21-25 kúnderi Almatydaǵy "Qaırat" sport kesheninde ótken bolatyn. Onda 4 oıynda qarsylastar qaqpasyna 16 dop soǵyp, ózderine 7 dop engizip alǵan alań ıeleri 10 upaımen kósh basyna shyqty. Olar 3 kezdesýde jeńip, bir kezdesýde teń túsken bolatyn. Úzdik úshtikke 9 upaımen Qaraǵandynyń "Tulpary" men 7 upaımen Astananyń "Ushqyn-Iskrasy" da enip otyr. Al Bishkek qalasynyń "AÝB" jáne "Fraton" komandasy 4-5 oryndarda kele jatyr. "AÝB" fýtbolshylary 1 kezdesýdi jeńip, úsheýin jeńilispen aıaqtasa, "fratondyqtar" jeńilisten kóz ashpady.
Endi ekinshi týr oıyndary sársenbide "AÝB" pen "Fraton", "Ushqyn-Iskra" men "Tulpar" arasyndaǵy saıyspen bastalady. Ol jeksenbi kúni "Fraton" men "Qaırat", "AÝB" pen "Tulpar" arasyndaǵy oıyndarmen túıindeledi.
