Qant dıabetimen esepte turǵandarǵa ınsýlınniń 22 túri satyp alyndy
«2018 jyly qant dıabeti boıynsha dıspanserlik esepte turǵan qazaqstandyqtar úshin ınsýlınniń 22 túri satyp alyndy. Budan basqa, osyndaı dıagnozy bar balalar úshin memleket ınsýlın pompalaryn jáne oǵan shyǵys materıaldaryn satyp alyp otyr. 2018 jyldyń alǵashqy úsh aıynda búkil el boıynsha medıtsınalyq uıymdarǵa 1,5 mlrd teńgege preparattar jóneltildi. Sondaı-aq tegin medıtsınalyq kómektiń kepildik berilgen kólemi aıasynda qazaqstandyqtar úshin 500 mln teńgege glıýkometrler men test-jolaqtary jetkizilgen», - dep atap ótilgen QR Densaýlyq saqtaý mınıstrligi málimetinde.
Qazirgi kezde qant dıabetin emdeýge arnalǵan preparattar kóbine Almatyǵa (169 mln teńge somasyna) , ShQO-ǵa (168 mln teńgege), Qaraǵandy oblysyna (156 mln teńgege) jáne Almaty oblysyna (137 mln teńgege) kelip tústi.
«Qant dıabetine shaldyqqan adamdardy qamtamasyz etý turǵysynda memleketpen osyndaı dıagnozy bar qazaqstandyqtardy emdeý úshin kózdelgen barlyq preparattar satyp alyndy. Olardyń barlyǵy Biryńǵaı dıstrıbıýtordyń qoımalarynda bar jáne medıtsınalyq mekemelerdiń ózderi málimdegen kólemde medıtsınalyq uıymdarǵa jetkizilip jatyr. Qazirge deıin naýryz aıy úshin medıtsınalyq uıymdarǵa tegin preparattardy taratý aıaqtalyp qaldy», - delingen mınıstrliktiń habarlamasynda.