Qant dıabetimen aýyratyn áıelde shala týý yqtımaldyǵy 5 ese joǵary
ALMATY. QazAqparat - Dıabet – qan quramynda qant mólsheriniń kóbeıip ketýinen paıda bolatyn dert. Bul aýrýmen jas ta, kári de aýyrady. Ásirese, júkti kezdegi dıabet qıyn, sondyqtan aýyrǵandarǵa arnaýly emshara qoldaný usynylady. Bul týraly Kardıologııa jáne ishki aýrýlar ǴZI №1 terapııa bólimshesiniń endokrınologi Balnur Sultanova aıtty, dep habarlaıdy QazAqparat tilshisi.
Dárigerdiń sózinshe, qant dıabetimen aýyratyn júkti áıelder, ómirge saý bala ákele alady. Biraq, yqtımal asqynýlar bar.
«Eger 1 nemese 2 tıpti qant dıabeti dıagnozy qoıylsa, qaýip joǵary bolýy múmkin, ıaǵnı salmaǵy úlken náreste qıyn bosanýdyń qaýpin arttyrady. Tipti, túsik túsýi múmkin. Eger de qant dıabeti aýrýyn emdemese, bul júkti áıeldiń de, ishtegi balanyń da densaýlyǵyna aıtarlyqtaı zııanyn tıgizedi. Máselen, bala dúnıege kelgennen keıin júrek jáne tynys alý problemalary, semizdik nemese qant dıabetiniń damýy, týa bitken júrek pen júıke júıesiniń aýytqýlary bolýy, tipti óli týýy múmkin. Qant dıabetimen aýyratyn júkti áıelderde shala týý yqtımaldyǵy 5 ese joǵary», - deıdi dáriger.
Sonymen qatar, ol júktilikke deıin jáne júktilik kezinde qant dıabetin durys basqarý bul qaýipterdi azaıtýǵa kómektesetinin atap ótti.
«Júktilikti josparlaý kerek. Júktilik aldynda, júktilikti josparlaý jóninde endokrınologten keńes alý qajet. 3 aıda 1 ret glıkırlengen gemoblobınge test tapsyrý qajet. Eger 6,5%-dan deńgeıdi tómen túsire almasańyz, sizge jáne sizdiń balańyzǵa asqyný qaýpin azaıtý úshin ony múmkindiginshe jaqyndatýǵa tyrysyńyz. Eger onyń deńgeıi 10%-dan joǵary bolsa, ol nysanaly mánderge jaqyndaǵansha júkti bolýǵa tyryspaýǵa keńes beremiz», - deıdi Balnur Sultanova.
Sondaı-aq, endokrınolog qant dıabetimen aýratyn áıelderge birqatar usynys aıtty.
«Eger sizde qant dıabeti bolsa jáne júkti bolǵyńyz kelse, kúnine 5 mg folıı qyshqylyn júktiliktiń 12-aptasyna deıin qabyldaý kerek. Folıı qyshqylyn qabyldaý balanyń omyrtqasynyń ydyraýy jáne dıabettik fetopatııa sııaqty týa bitetin aqaýlardyń damýyn boldyrmaýǵa kómektesedi. Eger qant dıabetin baqylaý úshin dáriler qabyldasańyz, ınsýlın ınektsııasyna aýysýyńyz kerek. Júktilik kezinde qandaǵy glıýkozany jıi baqylaý qajet, óıtkeni júktilik kezinde júrek aınýy men qusý onyń deńgeıine áser etýi múmkin. Dáriger nemese akýsher bul týraly keńes bere alady», - dedi Balnur Sultanova.
Sonymen qatar, júktilik kezinde dıabettik retınopatııa belgilerin anyqtaý úshin kózdi únemi tekserý qajet. Eger ol erte anyqtalsa, ony emdeýge bolady. Tsıkloskopııa jasalýy kerek.
