Qant dıabeti ómirge sábı ákelip, ana atanýǵa kedergi emes - dáriger
Mamandardyń aıtýynsha, pompalyq ınsýlın terapııasynyń arqasynda anada da, balada da asqynýlardy azaıtýǵa, tipti boldyrmaýǵa bolady. Pompalyq ınsýlın qandaǵy ınsýlınniń tıisti deńgeıin qamtamasyz etedi. Ol úshin dáriger ár naýqastyń qajetti kórsetkishterin qurylǵyǵa engizedi.
«Kardıologııa jáne ishki aýrýlar ǴZI endokrınologteri barlyq óńirlerden keletin pompalyq ınsýlın terapııasyndaǵy 1 jáne 2-tıpti qant dıabeti bar júkti áıelderge, aýyr endokrındik patologııasy bar bosanǵan áıelderge baqylaý júrgizedi. Aýrýdy ýaqtyly anyqtaý jáne emdeý jaǵymsyz saldardyń aldyn alady. 2022 jyly júktiliktiń ártúrli kezeńderinde qant dıabeti dıagnozy qoıylǵan 50-den astam áıel ótti, olardyń barlyǵy aman-esen bosandy. Qant dıabeti ómirge sábı ákelip, ana atanýǵa kedergi emes», - deıdi Kardıologııa jáne ishki aýrýlar ǴZI basqarma tóraǵasy Roza Qýanyshbekova.
2016 jyldan bastap ınsýlınge táýeldi 2-tıpti qant dıabetimen dıspanserlik esepte turǵan 38 jastaǵy almatylyq Bulbul Bolathan júktiliktiń 13 jáne 32 aptalyq kezinde ǴZI-da statsıonarda em qabyldady. Tańdalǵan pompalyq ınsýlın terapııasy aıasynda glıkemııa deńgeıi 30-40%-ǵa tómendep, ol osy jyldyń sáýir aıynda aman-esen qyz balany dúnıege ákeldi.
«Shydamdylyq, meıirimdilik, janashyrlyq – bul osy klınıka dárigerlerine kún saıyn óz jumysyn kásibı jáne adal oryndaýǵa kómektesetin qasıetter»,- deıdi Bulbul.
Foto: Kardıologııa jáne ishki aýrýlar ǴZI