Qant bazasyndaǵy RF QK bólimshesi Qyrǵyzstandaǵy tártipti qalpyna keltirýge tartylmaıdy
ASTANA. Maýsymnyń 12-si. QazAqparat - Qant bazasyndaǵy reseılik áskerı qyzmetkerlerdi jáne olardyń otbasyn qorǵaýdy qamtamasyz etý úshin Qyrǵyzstanda turǵan RF Qarýly Kúshteriniń bólimshesi osy eldegi tártipti qalpyna keltirý sharalaryna tartylmaıdy, dep habarlady jýrnalısterge RF QK ókili. Bul aqparatty Ýtro.rý agenttigi taratyp otyr.
«Bul bólimsheniń naqty mıssııasy bar jáne olar basqa tapsyrmany oryndaýǵa tartylmaıtyn bolady», dedi ol.
Esterińizge sala keteıik, desantshylar bólimshesi aǵymdaǵy jyly sáýirdiń 8-inde Qyrǵyzstandaǵy jappaı tártipsizdikterge baılanysty reseılik áskerı qyzmetkerlerdiń otbasylaryn jáne bazadaǵy nysandardy jiti kúzetý úshin jedel jóneltilgen bolatyn.
