Qant baǵasyn turaqty ustap turý úshin birqatar sheshim qabyldandy

NUR-SULTAN. QazAqparat – QR Saýda jáne ıntegratsııa vıtse-mınıstri Janel Kýshýkova qant baǵasynyń ósimin tejeý qadamdary týraly aıtty, dep habarlady QazAqparat tilshisi.

«Іshki baǵalardy retteý men turaqtandyrý, sondaı-aq negizgi taýarlardy tutynýshylarǵa jetkizý aıasynda qantqa qatysty birqatar sheshim qabyldandy. Ótken jyldan beri qant baǵasynyń eleýli óskenin baıqap otyrmyz. Bul óz kezeginde 2020 jyly qant qyzylshasy shyǵymdylyǵynyń tómendigine jáne qant quraǵy qunynyń artýyna baılanysty boldy», - dedi J. Kýshýkova mınıstrliktiń alqa májilisinde.

«Osyǵan baılanysty bıyl qant quraǵy men daıyn qantty bıylǵy 15 mamyrdan 30 qyrkúıek aralyǵynda jeńildikti túrde alyp kelýge kvota bekitý týraly sheshim qabyldandy. Qazaqstan úshin kvota kólemi 134,4 myń tonnany qurady. Bul sheshim qant baǵasynyń negizsiz ósýin tejeýge múmkindik berip, qant óndiretin kompanııalardyń jumysyn turaqtandyrady», - dedi vıtse-mınıstr.

Budan buryn habarlanǵandaı, alqa májilisinde Qazaqstan negizgi saýda seriktes eldermen taýar aınalymdy arttyrǵany aıtyldy.