Qant baǵasyn kótergen kásiporynǵa qatysty tergeý bastaldy – agenttik

NUR-SULTAN. QazAqparat – Qant satý naryǵyndaǵy sýbektilerdiń básekelestikke qarsy kelisilgen áreketteri anyqtaldy, dep habarlaıdy QazAqparat Básekelestikti qorǵaý jáne damytý agenttigine silteme jasap.

Básekelestikti qorǵaý jáne damytý agenttiginiń Almaty oblysy boıynsha departamenti 14 mamyrda «Open Space» alańynda qantty kóterme saýdada ótkizýmen aınalysatyn sýbektiler ókilderiniń qatysýymen kezdesý ótkizdi.

Qatysýshylar qantty kóterme saýdada ótkizý naryǵyndaǵy aǵymdaǵy jaǵdaımen tanysty. Atap aıtkanda, monopolııaǵa qarsy departament júrgizilgen taldaý nátıjeleri týraly habardar etti, onyń qorytyndysy boıynsha «Kóksý qant zaýyty» JShS jáne «Aqsý qant» JShS is-áreketterinde QR ÓK 170-babyn buzý belgileri-qantty bastapqy satýdy júzege asyratyn naryq sýbektileriniń kelisilgen is-áreketteri anyqtaldy. Eki kásiporynǵa da básekelestik zańnamany buzý belgilerin joıý týraly habarlama jiberildi.

Kóksý qant zaýyty» JShS departamenttiń habarlamasyn 1 kg úshin qantty satý qunyn ortasha eseppen 10 teńgege tómendetý jolymen oryndady.

«Aqsý Qant» JShS departamenttiń habarlamasyn oryndaǵan joq. Osyǵan baılanysty «Aqsý Kant» JShS-ne qatysty Qazaqstan Respýblıkasynyń básekelestikti qorǵaý salasyndaǵy zańnamasyn buzýshylyqtardy tergeý bastaldy.