Qansha medıtsına qyzmetkeri vaktsınadan bas tartty

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova medıtsına qyzmetkerlerin koronavırýs ınfektsııasyna qarsy vaktsınalaý jaıly baıandady, dep habarlaıdy QazAqparat tilshisi.

«Búgingi tańda 13 301 medıtsına qyzmetkerine ekpe egildi, 218 medıtsına qyzmetkerin vaktsınalaý (medıtsınalyq kórsetkishter boıynsha) keıinge qaldy. 130 medıtsına qyzmetkeri nemese 0,9% vaktsınatsııadan bas tartty», - dedi Aıjan Esmaǵambetova Ortalyq kommýnıkatsııalar qyzmetindegi brıfıngte tilshi suraǵyna bergen jaýabynda.

Sonymen birge spıker vaktsınatsııadan bas tartqan medıtsına qyzmetkerleri esh jazaǵa tartylmaıtynyn túsindirdi.

«Jalpy, vaktsınatsııa – erikti protsess. Ol vaktsına alýshynyń aqparattandyrylǵan kelisimi túsindirilgen soń júrgiziledi. Sondyqtan vaktsınatsııadan bas tartqan adamdarǵa eshqandaı sanktsııalar qarastyrylmaǵan», - dep qorytyndylady dáriger.