Qansha qazaqstandyq zeınetaqy jınaǵyn baspana men emge jumsaǵan

NUR-SULTAN. QazAqparat – 1,7 mln astam qazaqstandyq zeınetaqy jınaqtaryn baspana alýǵa jáne emdelýge jumsaǵan, dep habarlaıdy QazAqparat tilshisi BJZQ saıtyna silteme jasap.

«1 tamyzdaǵy jaǵdaı boıynsha, zeınetaqy qarajaty esebinen turǵyn úı jaǵdaıyn jaqsartý úshin 1 328 015 ótinish oryndaldy. Bul maqsatta azamattardyń shottaryna jalpy sommasy 3,1 trln teńgeden asatyn qarjy aýdaryldy. Ár azamatqa berilgen zeınetaqy qarajatynyń ortasha sommasy – 2,4 mln teńge», - delnigen BJZQ habarlamasynda.

Sonymen qatar, 380 myńnan astam qazaqstandyq emdelý úshin zeınetaqy jınaqtaryn jumsaǵan.

«BJZQ emdelý úshin berilgen 388 824 azamattyń ótinishin qarap, olarǵa jalpy sommasy 302,5 mlrd teńge aýdardy. Orta eseppen ár azamat 800 myń teńge aldy», - dep málim etti Qordyń baspasóz qyzmetinen.

Zeınetaqy qorynyń málimetinshe, aýdarylǵan aqshany paıdalanbaǵan turǵyndar da az emes. Máselen, «Otbasy bankine» aýdarylǵan 31,3 mlrd teńge belgilengen merzim ishinde paıdalanylmaı, keri qaıtarylǵan.