Qansha qazaqstandyq koronavırýsqa qarsy tolyq egilgen

NUR-SULTAN. QazAqparat – 16 shildege deıin Qazaqstanda koronavırýs ınfektsııasyna qarsy vaktsınanyń 1-shi komponentin 9 538 630 adam, 2-shi komponentin 9 321 029 adam saldyrdy. QazAqparat bul týraly COVID-19 taralýyna jol bermeý jónindegi vedomstvoaralyq komıssııa málimetine silteme jasap habarlaıdy.

Sondaı-aq elimizde jasóspirimderdi, júkti áıelderdi jáne bala emizetin analardy «Pfizer» vaktsınasymen egý jalǵasyp jatyr. 16 shildege deıin preparattyń I dozasyn 1 229 694 adam, ІІ dozasyn 1 168 291 adam saldyrdy. Onyń ishinde: І komponentimen 868 628 jasóspirim, 41 264 júkti áıel, 145 051 bala emizetin áıel vaktsınalandy. ІІ komponentin 846 059 jasóspirim, 38 757 júkti áıel, 139 340 bala emizetin áıel saldyrdy.