Qansha Qazaqstan azamaty qarý ustaý erejesin buzǵany úshin jaýapkershilikke tartyldy
ASTANA. QazAqparat - Búgingi kúni ishki ister organdarynda 284 myńnan astam azamattyq qarý tirkelgen. Al aǵymdaǵy jyly buryn urlanǵan nemese joǵalǵan atys qarýyn paıdalanyp, qylmys jasaýdyń 2 faktisi oryn aldy. Onyń birimen qaraqyshylyq shabýyl jasalsa, ekinshisimen qasaqana kisi óltirilgen. Bul jaıynda QazAqparattyń resmı saýalyna oraı elimizdiń Іshki ister mınıstrliginen habarlady.
Vedomstvo aqparatyna qaraǵanda, qazirgi ýaqytta Parlament Májilisinde qaralyp jatqan «Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasynda azamattyq jáne qyzmettik qarý aınalymy salasyndaǵy quqyq buzýshylyqtar úshin QR ÁQbK baptary boıynsha jaýapkershilikti belgileıtin aıyppul sanktsııalaryn ulǵaıtý bóliginde «Ákimshilik quqyq buzýshylyq» týraly QR Kodeksine jáne «Jekelegen qarý túrleriniń aınalymyna baqylaý jasaý týraly» QR Zańyna ózgertýler men tolyqtyrýlar engizý kózdelgen.
Sonymen qatar qarý-jaraq dúkenderine qoıylatyn talaptardy kúsheıtý, qarý aınalymy salasynda jumys isteıtin barlyq zańdy tulǵalardy ár toqsan saıyn tekserý túrinde azamattyq jáne qyzmettik qarý aınalymyna memlekettik baqylaýdyń erekshe tártibin belgileý boıynsha birqatar normalar qarastyrylǵan.
«Іshki ister organdarynyń azamattyq jáne qyzmettik qarý aınalymy salasyndaǵy baqylaý jónindegi bólimsheleriniń qyzmetin uıymdastyrý týraly nusqaýlyqqa sáıkes azamattyq qarý ıelerin turǵylyqty meken jaıy boıynsha tekserý jylyna keminde bir ret júrgiziledi. Sonymen qatar ІІD-niń jedel aldyn alý is-sharalaryn ótkizý kezeńinde de tekserý uıymdastyrý turaqty túrde qolǵa alynady. Aǵymdaǵy jyldyń 10 aıynda júrgizilgen is-sharalar barysynda qarýdyń saqtalý jaı-kúıin buzan 7575 fakti jáne qarýdy tirkeý jáne qaıta tirkeýdi buzǵan 6124 fakti anyqtalyp, ákimshilik jaýapkershilikke 13699 azamattyq qarý ıeleri tartyldy», - deıdi mınıstrlikten.
