Qansha kásiporynda jumyskerlerge eńbekaqy boıynsha bereshegi bar

NUR-SULTAN. QazAqparat – 2021 jylǵy aqpan aıynda 78 kásipornynda jumyskerlerdiń aldynda bereshegi anyqtaldy, dep habarlaıdy QazAqparat tilshisi.

«Bıylǵy 1 aqpandaǵy jaǵdaı boıynsha memlekettik eńbek ınspektorlary respýblıkanyń 78 kásipornynda 1,5 myń jumyskerdiń aldynda 200,9 mln teńgeden astam somaǵa jalaqy boıynsha bereshekti anyqtady. Osy kásiporyndardyń basshylaryna oryndaý úshin mindetti 31nusqama berildi jáne 5,3 mln teńgeden astam somaǵa aıyppul salyndy», - delingen QR Eńbek jáne halyqty áleýmettik qorǵaý mınıstrligi baspasóz qyzmetiniń málimetinde.

Belgili bolǵandaı, qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 500-den astam jumyskerdiń quqyqtary qorǵaldy. Olarǵa 130,7 mln teńge tólendi.