Qansha elordalyq koronavırýsqa qarsy vaktsına aldy

NUR-SULTAN. QazAqparat – Nur-Sultan qalasy Qoǵamdyq densaýlyq saqtaý basqarmasynyń bas mamany Jeleýhan Primqulov elordadaǵy vaktsınalaý qarqynyna qatysty túsinik berdi, dep habarlaıdy QazAqparat tilshisi.

«Búginde elorda boıynsha vaktsınanyń birinshi komponentin 407 myń adam aldy, ıaǵnı ekpe alýy tıis adamdardyń 63 paıyzy qamtyldy. Jalpy, vaktsınatsııalaý qarqyny jaqsy deńgeıde júrip jatyr, turǵyndar óziniń azamattyq pozıtsııasyn tanytyp otyr», - Jeleýhan Primqulov onlın brıfıngide.

Onyń aıtýynsha, ekpe alam deýshilerdiń qatarynda stýdentter de jıi baıqalyp keledi.

«Egde jastaǵy adamdar da jas býynnan qalyspaı vaktsına alýǵa kelip jatyr», - dedi basqarma ókili.

Buryn habarlaǵandaı, elordada koronavırýs juqtyrý deńgeıi tómendedi.