Qansha azamat volonter bolýǵa daıyn

ASTANA. KAZINFORM – Erler áıelderge qaraǵanda volonter bolýǵa daıyn emes eken. Bul týraly Qazaqstandyq qoǵamdyq damý ınstıtýty habarlady. 

Áleýmettanýlyq saýalnama derekterine súıensek:

Respondentterdiń 11,9%-y volonter bolýǵa tolyq daıyn ekenin aıtqan. Al 29,7%-y «daıynmyn deýge bolady» degen jaýap nusqasyn tańdaǵan.

Áleýmettik-demografııalyq kórsetkishterdi taldasaq, birqatar turaqty úrdisti baıqaýǵa bolady.

Erler áıelderge qaraǵanda volonter bolýǵa daıyn emes ekenin jıirek atap ótken. Degenmen aıyrmashylyq aıtarlyqtaı úlken emes (orta eseppen 6%-ǵa joǵary).

Azamattardyń bilim deńgeıi mańyzdy ról atqarady: kóbine joǵary bilimi bar respondentter volonter bolýǵa daıyn ekenin aıtqan.

Odan bólek, volonter bolýǵa daıyndyq tabys deńgeıimen de tyǵyz baılanysty. Azamattardyń tabysy neǵurlym joǵary bolǵan saıyn, soǵurlym volonterlik kómek kórsetýge daıyn respondentter úlesi artady. 

Aıta ketelik 300 myńnan astam qazaqstandyq volonterlikpen aınalysatyny týraly jazǵan edik.