Qansha aýyl zamanaýı baılanys tehnologııalarmen qamtylmaǵan

NUR-SULTAN. QazAqparat – Qazaqstanda 600-den astam aýyl zamanaýı telekommýnıkatsııalyq tehnologııalarmen qamtylmaǵan. Bul týraly Digital Bridge halyqaralyq tehnologııalyq forýmynda QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Málik Oljabekov aıtty, dep habarlaıdy QazAqparat tilshisi.

«Qazaqstanda 600-den astam aýyl zamanaýı telekommýnıkatsııalyq tehnologııalarmen qamtylmaǵan. Sondyqtan spýtnıktik baılanys sheshimderi osy aýyldardyń aýmaǵyn qamtýǵa múmkindik beredi. Bul turǵyda turǵyndar sany az eldi mekenderdi aıtyp turmyz. Degenmen, osy aýyldarǵa zamanaýı baılanys júıesin tartý óte mańyzdy máselelerdiń biri», - dedi Málik Oljabekov

Buryn habarlanǵandaı, elordada úshinshi ret Digital Bridge halyqaralyq tehnologııalyq forýmy 28-29 qazan aralyǵynda ótip jatyr.

Bıylǵy forýmnyń taqyryby - Digital Era Lifestyle. QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Tsıfrlandyrý, ınnovatsııa jáne ǵylym arqyly tehnologııalyq serpilis» ulttyq jobasyn usyndy.

Forýmnyń iskerlik baǵdarlamasy 20 paneldik sessııadan turady, onda 70 -ten astam spıker - halyqaralyq jáne qazaqstandyq IT -qaýymdastyqtardyń ókilderi sóz sóıleıdi. Elimizde úshinshi ret ótip jatqan Digital Bridge alańynda ádettegideı Astana Hub Battle jarysynda tehnologııalyq startaptar baq synasyp, eń myqty ІT-kompanııalar Astana Hub Awards premııasy aıasynda marapattalady. Bıyl pandemııa talaptaryna oraı is-sharalar gıbrıd formatta ótedi – birqatar resmı sharalar offlaın ótse, forýmnyń negizgi bóligi onlaın nusqada kórsetilip, kez-kelgen adam qatysa alady.