Kanoede esýden álem kýbogi: Eki qazaqstandyq sportshy fınalǵa ótti
NUR-SULTAN. QazAqparat - Germanııanyń Dýısbýrg qalasynda ótip jatqan baıdarka men kanoede esýden álem kýbogi kezeńinde alǵash bolyp fınalǵa joldama alǵan sportshylar anyqtaldy. Olardyń qatarynda qazaqstandyq sportshylar da bar, dep habarlaıdy QazAqparat.
QR Ulttyq Olımpıadalyq komıtetiniń málimetine sáıkes, jaqynda ǵana álem kýbogi kezeńinen eki medal ıelengen Tımýr Haıdarov búgin taǵy da fınalıster qataryna ótti. Ol kanoemen 200 metrge jarysýdan irikteý kezeńinde úshinshi nátıje kórsetti.
Sondaı-aq, Vıktor Stepanov osy qashyqtyqtaǵy fınaldyq synda júldege talasady.
Aqtyq básekeler senbi, 1 maýsym kúni Nur-Sultan qalasy ýaqytymen 15:30-da bastalady.
