Kann kınofestıvalinde Qazaqstan pavılonynyń ashylýy - álemniń kınematografııalyq qaýymdastyǵymen mádenı baılanystardy nyǵaıta túsedi

QR Mádenıet jáne sport mınıstrliginiń tapsyrmasy boıynsha atalǵan is-sharaǵa oraılastyryp qazaq kınematografııasynyń tarıhynda eń alǵash ret ulttyq kınopavılon óz esigin aıqara ashty.

Osyǵan oraı, Frantsııanyń Kann qalasynda frantsýzdardyń ulttyq kınematografııa ortalyǵynyń alańynda qazaqstandyq pavılonnyń ashylý saltanatty keshine oraı resmı qabyldaý ótti. Oǵan kınematografııa salasynda oıyp turyp óz ornyn alatyn 500-ge jýyq qonaqtar shaqyryldy. Bul rette Frantsııadaǵy QR Elshiligi ókilderiniń Kann kınofestıvaline jáne festıval aıasyndaǵy is-sharalarǵa qatysýy Qazaqstan Respýblıkasynyń damyǵan ári baı kınoındýstrııasy bar el retindegi ımıdjin qalyptastyrýǵa jáne halyqaralyq kınematografııa qaýymdastyǵymen mádenı baılanystardy nyǵaıtýǵa septigin tıgizetinin aıta ketken jón.

Atalmysh kesh barysynda halyqaralyq «Eýrazııa» kınofestıvaliniń prezıdenti Aıman Musaqojaeva bizdiń el óz mádenıetin osy syndy álemdik deńgeıdegi is-sharalarda kórsetýi kerek ekendigin, ári onyń rýhanı jańǵyrý boıynsha Qazaqstan Respýblıkasynyń Tuńǵysh Prezıdenti-Elbasy Nursultan Ábishuly Nazarbaevtyń tapsyrmalarymen úılesimin tabatyndyǵyn atap ótti.

«Mereıtoılyq Kann kınofestıvali - bizdiń kıno salasynyń jetistikteri men sátti jobalaryn kórsetýdiń, sondaı-aq álemdik kınematograf ókilderine Qazaqstandy úzdik túsirilim alańy retinde tanystyrýdyń tamasha múmkindigi. Bizdiń el birneshe klımattyq beldeýlerde jatyr, bul óz kezeginde túrli geografııalyq mindetteri bar fılmderdi túsirýge múmkindik beredi» - dep atap ótti Aıman Musaqojaeva.

Sondaı-aq, spıkerdiń pikirinshe, qazaqstandyq kıno álemdik kınokeńistikke birigýi qajet. «Bizdiń stýdentter aǵylshyn tilin jetik bilip, Halyqaralyq kınofestıvalderge atsalysýy qajet, bir elmen shektelmeýi qajet. Teorııalyq bilim tájirıbege ulaýy tıis», - dep atap ótti QazUÓÝ rektory.

Esterińizge sala keteıik, ótken jyly QazUÓÝ ustazdary Erlan Nurmuhambetov pen Talǵat Taıshanov QazUÓÝ oqý bazasy negizinde stýdenttermen birge tolyqmetrajdy fılm túsirgen bolatyn. Rektordyń aıtýyna súıinsek, kınematografııa salasynda bilim qýǵan stýdentter kınoóndiristiń barlyq kezeńine qatysady. Sondaı-aq, olar zamanaýı túsirilim tehnıkalarymen jumys isteýdiń qyr-syryn barynsha meńgerýde.

Aıta keteıik, halyqaralyq Kann kınofestıvaline bıyl alǵash ret qazaqstandyq rejısserler de qatysady. Elimizdiń atynan jas rejısser Dıas Ázimjanovtyń «Ýltıo» atty qysqametrajdy fılmi Short Film Corner sektsııasynda kórermen nazaryna usynylmaq.

Búgingi kúni Kanndaǵy Qazaqstannyń Ulttyq kınopavılony 700-den astam adam qabyldaǵany belgili.

Kann kınofestıvalinde Qazaqstan pavılonynyń ashylýy halyqaralyq kınematografııalyq qaýymdastyqpen mádenı baılanystardyń nyǵaıýyna eleýli úles qosty. Sondaı-aq, ol memleketimizdiń jáne Qazaqstan Respýblıkasynyń Tuńǵysh Prezıdenti-Elbasy Nursultan Ábishuly Nazarbaevtyń qoldaýymen kınoındýstrııasy damyǵan el retinde álemdik arenada el ımıdjiniń qalyptasýyna ońtaıly áser etti.