Kann kınofestıvalin «Monako hanshaıymy» ashady
ASTANA. QazAqparat - 67-shi Kann halyqaralyq kınofestıvali sársenbi kúni, 14 mamyrda keshte frantsýz rejısseri Olıve Daannyń «Monako hanshaıymy» fılmin kórsetýmen bastalady, dep jazady reseılik «Jańalyqtar» agenttigi.
Fılm Monako knıazi Rene ІІІ-ge kúıeýge shyqqan jáne gollıvýd juldyzy mártebesinen góri hanshayn ataǵyn qolaı kórgen ataqty amerıkan aktrısasy, «Oskar» syılyǵynyń laýreaty Greıs Kellıdiń ómiri týraly baıandaıdy. Greıs Kellıdiń rólin kartınada aktrısa Nıkol Kıdman somdaıdy, ol ótken jylǵy Kann kınofestıvali qazylar alqasynyń quramynda bolǵan edi.
Negizgi konkýrs jáne qazylar alqasy
Kınofestıvaldiń negizgi konkýrsyna 18 lenta endi. Olardyń arasynda Andreı Zvıagıntsevtiń «Levıafan», Atom Egoıannyń «Túnder patshaıymy», Jan-Per men Lıýk Dardenniń «Eki kún, bir tún» (basty rólde - Marıon Kotıııar), Devıd Kronenbergtiń «Juldyzdy karta», Jan-Lıýk Godardyń «Sóz, qosh!», Tommı Lı Djonstyń «Jergilikti» jáne basqa da kartınalar bar.
Negizgi konkýrstyń qazylar alqasyn jańazelandııalyq rejısser Djeın Kempıon basqarady, onyń quramynda frantsýz aktrısasy Karol Býke, amerıkandyq akter Ýıllem Defo, meksıkandyq akter Gael Garsıa Bernal, ońtústikkoreıalyq aktrısa Chon Do En, ırandyq aktrısa Leıla Hatamı, amerıkandyq rejısser Sofııa Koppola, QHR rejısseri Tszıa Djanke jáne Danııadan rejısser Nıkolas Vındıng Refn bar.
Sonymen birge festıval aýqymynda qysqametrajdy fılmder konkýrsy ótedi, onyń qatysýshylarynyń biri rejıser Sergeı Pıkalovtyń Ekinshi dúnıejúzilik soǵystyń Jer ústindegi sońǵy ardageri týraly reseılik-ázerbaıjandyq «Sońǵy» fılm-ápsanasy boldy. Lentada basty róldi 66 jastaǵy ázerbaıjan akteri Idrıs Rýstamov oınaıdy.
Sondaı-aq «Konkýstan tys», «Erekshe kózqaras», «Kann klassıkasy» baǵdarlamalary usynylady, qurmetti qonaq retinde Sofııa Loren qatysady. Festıvaldiń júrgizýshisi frantsýz akteri Lamber Vılson. Laýreattar 24 mamyrda belgili bolady.
