Kann halyqaralyq kınofestıvali kezinde belgisiz bireý oq atty
ASTANA. 18 mamyr. QazAqparat - 66-shy Kann halyqaralyq kınofestıvali ótip jatqan kezde belgisiz bireý frantsýz telearnasynyń alańyna shyǵyp oq atty, dep habarlaıdy 24 KZ.
«Kanal+» telearnasynyń tikeleı efıri kezinde oılamaǵan jerde bastalǵan atystan adamdardyń úreıi qashqan. Abyroı bolǵanda, tártip saqshylary tez arada jigitti ustap aldy. Jaralanǵan adam joq. Tutqyndalǵan jigitten qarý men granata tárkilendi. Buǵan deıin Kann halyqaralyq kınofestıvaliniń ashylý saltanatynda qyzyl kilemge shyǵatyn juldyzdar taǵatyn zergerlik buıym urlanǵan edi. Shveıtsarııalyq kompanııaǵa tıesili áshekeı buıymdardyń jalpy quny 1 mln. AQSh dollary.
