Kann festıvalinde qazaqstandyq fılmder kópshilik nazaryna usynylady
ASTANA. QazAqparat - Kann festıvalinde baıqaýdan tys Ádilhan Erjanovtyń «Qojaıyndar» jáne Marǵulan Qapashevtyń «Erkin qustar» fılmi kórermenderge pash etiledi. Bul týraly art.gazeta.kz saıty habarlady.
Ádilhan Erjanovtyń týyndysy baǵdarlamanyń negizgi bóliginde emes, qosymsha tizimdi usyný barysynda kórsetiledi. Rejısserdiń ózi Kann festıvaline alǵash ret qatysady. Onyń shyǵarmasy aýyldaǵy úıdi ózara bólise almaı, dal bolǵan eki januıa týraly.
«Men árdaıym fılmniń eń keremet tanystyrylymyn armandaǵanym sózsiz. Meniń shyǵarmashylyǵym negizinen festıvalderge baratyn kıno janashyrlarynyń belgili bir bóligine ǵana qyzyqty», - deıdi ol.
Marǵulan Qapashevtyń fılmi onyń alǵash týyndysy bolyp tabylady. Baıqaý komıssııasynyń qaraýyna álemniń 128 memleketinen fılmder túsken. Kann festıvaliniń qazylar alqasyn Djeın Kempıon jetekshilik etpek. Ol Almatydaǵy «Eýrazııa» kınofestıvalinde baıqaý komıssııasyna basshylyq etken bolatyn.
