Kann festıvalinde «Altyn palma butaǵyn» ekinshi ret áıel rejısser jeńip aldy
NUR-SULTAN. QazAqparat – 74-Kann kınofestıvaliniń «Altyn palma butaǵy» frantsýz Djýlııa Dıýkornonyń «Tıtan» kınokartınasyna buıyrdy. Qazylar tóraǵasy amerıkalyq rejısser Spaık Lı jeńimpazdardy jarııalaý retin shatastyryp alyp, tizimdi bas júldeden bastady, dep habarlaıdy QazAqparat Euronews agenttigine silteme jasap.
Djýlııa Dıýkorno festıval tarıhynda bas júldege ıe bolǵan ekinshi áıel boldy.
«Tıtan» qandy dramasynyń egjeı-tegjeıi Kanndaǵy premeraǵa deıin qupııa saqtaldy.
Rejısser Djýlııa Dıýkorno aıtqandaı, qorqynyshty janr adamdardyń úreıleri men tilekteri týraly tereńirek áńgimelesýge múmkindik beredi.
«Tıtannyń» sıýjet jelisinde adamdar, robottar, avtomobılderge degen qushtarlyq, zorlyq-zombylyq jáne joǵalǵan balany izdeý qamtylǵan.
Bıyl basty syılyq úshin 24 fılm baq synady.
Amerıkalyq kınoakter jáne mýzykant Kaleb Lendrı Djons aýstralııalyq rejısser Djastın Kýrzeldiń «Nıtram» kınokartınasyndaǵy róli úshin «Eń úzdik er adam róli» syılyǵyn jeńip aldy.
Fılmniń sıýjeti ómirde bolǵan oqıǵalarǵa negizdelgen jáne Aýstralııanyń Port-Artýr qalasyndaǵy jappaı kisi óltirý týraly baıandaıdy.
Norvegııalyq aktrısa Renate Reınsve norvegııalyq rejısser Ioakım Trıerdiń «Álemdegi eń nashar adam» fılmindegi róli úshin «Eń úzdik áıel róli» syılyǵyn aldy.
Kartına 30 jastaǵy áıeldiń ómirindegi daǵdarys kezeńindegi oqıǵalardy baıandaıdy.
Izraıl rejısseri Nadav Lapıd «Ahedtiń tizesi» fılmi úshin Kann kınofestıvaliniń qazylar alqasy syılyǵyna ıe boldy.
Kınofestıvaldiń qurmetti «Altyn palma butaǵy» ıtalııalyq rejısser Marko Bellokoǵa tabys etildi.
Baıqaýdy uıymdastyrý komıtetiniń sheshimi boıynsha ol bul syılyqqa «zamanaýı kınematografııaǵa kúsh pen erkindik bergen biregeı shyǵarmashylyǵy úshin» ıe boldy.
Úzdik stsenarıı júldesin Rıýsýke Hamagýtı «Meniń kóligimdi júrgiz» fılmi úshin aldy.
«Annett» fılmi úshin frantsýz Leos Karakas úzdik rejısser dep tanyldy.
