Kann festıvali qazylar alqasynyń músheleri belgili boldy
ASTANA. 25 sáýir. QazAqparat - Kann festıvaliniń uıymdastyrýshylary resmı saıttarynda qazylar alqasynyń jańa músheleriniń esimderin jarııalady.
2013 jyly onyń tóraǵasy retinde rejısser Stıven Spılberg saılandy. Onyń quramyna avstralııalyq-amerıkalyq kınojuldyz Nıkol Kıdman, «Pıdiń ómiri» jáne «Búkir taý» týyndylarynyń rejısseri Eng Lı, Kventın Tarantınonyń sońǵy eki kınosynda keıipkerlerdi somdap, «Oskar» syılyǵyn ıemdengen nemis ártisi Krıstofer Valts bar.
Sondaı-aq, 2007 jyly «4 aı, 3 apta jáne 2 kún» fılmi úshin Kann festıvalinde «Altyn palma butaǵy» júldesin jeńip alǵan rýmyndyq rejısser Krıstıan Mýndjıý da enip otyr.
