Qanisher ana 11 aılyq balasyn tunshyqtyryp óltirip, sýretterin áleýmettik jelige jarııalaǵan
ASTANA. QazAqparat - Nıý-Iorkte Nıkol Kellı esimdi áıel 11 aılyq óz balasyn tunshyqtyryp óltirgen. Sebebi onyń bala súıgisi kelmegen kórinedi.
Sheteldik BAQ-tyń jazýynsha, qatygez ana balasynan sharshaǵanyn, sondyqtan tunshyqtyryp óltirgenin aıtqan. Balanyń óliminen soń ol onyń kıim-keshekterin laqtyryp tastaıdy. Sondaı-aq ony sýretke túsirip, Facebook-te «Janyń jaı tapsyn!» dep jarııalap jibergen.
Keıin áıel áleýmettik jelidegi paraqshasyna balasyn saǵynǵandyǵyn jaza bastaıdy. «Men - onyń anasymyn, ony qorǵaýym kerek edi. Tuńǵysh balamdy eshqashan umytpaımyn. Ol máńgilik meniń júregimde qalady», - dep jazǵan qylmysker.
Áıeldi qamaýǵa aldy. Eger sot ony kináli dep tapsa, ol túrmede 25 jylyn ótkizedi.
