Qanysh Ábýbákirov Qarýly Kúshter Bas shtabynyń bastyǵy bolyp taǵaıyndaldy

ASTANA. KAZINFORM — Memleket basshysy Qasym-Jomart Toqaevtyń ókimimen Qazaqstan Respýblıkasy Qarýly Kúshteri Bas shtabyna jańa basshy taǵaıyndaldy. Bul týraly Aqorda málim etti. 

Memleket basshysynyń ókimimen Sultan Búrkitbaıuly Qamaletdınov Qazaqstan Respýblıkasy Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy laýazymynan bosatyldy. 

— Memleket basshysynyń ókimimen Qanysh Asanhanuly Ábýbákirov Qazaqstan Respýblıkasy Qorǵanys mınıstriniń birinshi orynbasary — Qazaqstan Respýblıkasy Qarýly Kúshteri Bas shtabynyń bastyǵy bolyp taǵaıyndaldy, ol burynǵy atqarǵan laýazymynan bosatyldy, — delingen habarlamada.

Eske sala keteıik, buǵan deıin Nurjan Tursynhanov Qarjy naryǵyn retteý agenttigi Tóraǵasynyń orynbasary bolyp taǵaıyndalǵan bolatyn.