Kanıkýl kezinde balalarǵa baqylaý kerek - Astana polıtsııasy
ASTANA. QazAqparat – Elorda polıtseıleri oqýshylardyń qysqy kanıkýlynyń bastalaýyna baılanysty balalardy baqylaýda ustaýdy suraıdy, dep habarlaıdy QazAqparat tilshisi.
Astana qalasynyń polıtsııa departamenti qysqy kanıkýl kezinde kámeletke tolmaǵandar arasynda zańǵa qaıshy áreketterdiń aldyn alý jáne jolyn kesý maqsatynda balalardyń bos ýaqytyn ótkizý barysy men ornalasqan jerin tekseredi.
«Ata-analardyń durys baqylamaýy balalardyń jazataıym oqıǵalarǵa ushyraýyna sebep bolyp jatady. Osyǵan oraı, ata-analardan balalardy qaraýsyz qaldyrmaýdy suraımyz. Balalarǵa joldaǵy jáne kúndelikti turmystaǵy júris-turystyń qarapaıym erejelerin úıretý kerek. Balalarǵa qamqor bolyńyz. Kanıkýl kezinde balalardyń qysqy oıyndarǵa qyzyǵýshylyǵy artady, alaıda bul rette olardyń ómiri men densaýlyǵyna qaýip tónýi múmkin», - deıdi departamentten.
Elorda polıtsııa departamentiniń ata-analarǵa usynysy:
- aıaz jáne daýyldy kúnderi serýendeýdi azaıtyńyz nemese múldem toqtatyńyz;
- sý qoımalaryna jolamaǵan jón, muz jarylýy múmkin. Muzǵa oıylǵan jaǵdaıda aıqaılap kómek surap, jaǵaǵa ózdiginen shyǵýǵa áreket jasaý qajet.
- balańyzdyń keshki ýaqytta qaıda júrgenin baqylańyz;
- balaǵa kóshede jáne beıtanys adamdarmen ózin qalaı ustaý kerektigin eskertińiz;
- jaraqat almaý úshin múmkindiginshe taıǵaq jerdi aınalyp ótýge tyrysyńyz;
- salynyp jatqan jáne qaraýsyz qalǵan ǵımarattarǵa kirýge qatań tyıym salý kerek. Bul - balalar úshin óte qaýipti.
