Kánigi ury ustaldy - Aqmola oblysy
KÓKShETAÝ. QazAqparat - Aqmola oblysynda qalta urlyǵyn kásip etken 34 jastaǵy kánigi ury ustaldy, dep habarlaıdy QazAqparat tilshisi.
ІІD baspasóz qyzmetiniń deregi boıynsha Kókshetaý qalalyq ІІB kezekshilik bólimine 1981 jylǵy kelinshek aryzdanǵan. Zardap shegýshiniń sózinshe, sán salondarynyń birinde beıtanys er adam onyń sómkesin jymqyryp ketken. Al sómkeniń ishinde 25 000 teńge aqsha men asyl taspen kómkerilgen altyn syrǵasy bolǵan. Keltirilgen shyǵyn kólemi 75000 teńgeni qurady.
«Jedel izdestirý sharasy kezinde 34 jastaǵy buryn sotty bolǵan jergilikti turǵyn qolǵa tústi. Onyń osyǵan deıin sán salondary, saýda úıi, saýda ortalyqtary jáne qalaishilik marshrýtty avtobýstarda urlyq jasaǵany anyqtaldy. Kánigi ury turǵyndardan barlyǵy 300 myń teńgeniń zatyn urlap, materıaldyq zalal keltirgen», dep túsindirdi baspasóz qyzmetindegiler.
Qazirgi kezde, kúdikti ýaqytsha ustaý oqshaýlaǵyshyna qamalyp, ústinen QR QK 188 babynyń 2 bólimi boıynsha (urlyq) sot aldy tergeý amaldary júrgizilýde.
