Qańǵybas ıtterdi atpaq bolǵan Kýban turǵyny dosyn óltirip aldy
ASTANA. QazAqparat - Krym aýdanynyń Novoýkranınskıı kentinde abaısyzda dosyn óltirip alǵan jergilikti turǵyn ustaldy. Er adam qańǵybas ıtterdi atyp júrip, mektepte birge oqyǵan dosyn mert qyldy.
Myltyq daýsy men adam aıqaıyn estigen jergilikti turǵyndar polıtsııany shaqyrǵan. Jedel top oqıǵa ornyna kelgen kezde, jábirlenýshi áli tiri edi. Oǵan alǵashqy kómek kórsetilip, aýrýhanaǵa jiberildi. Biraq er adam jolda kóz jumdy.
Oqıǵanyń kýágerleri oqıǵa ornynda jergilikti turǵyndy kórgenderin aıtyp berdi. Kúdikti er adam ustaldy. Ol qylmys jasaǵanyn moıyndady. Taýyqtaryn urlaǵan jabaıy ıtterdiń kózin joıamyn dep júrgende ıtter qashyp, sońynan qýalaı atqanda oq abaısyzda tanysyna tıgen. Birinshi oq jaraqaty aýyr bolmaǵan, al ekinshisi jábirlenýshiniń ómirin qıyp ketti.
Oqıǵa faktisimen «Abaısyzda adam óltirý» babymen qylmystyq is qozǵaldy.
