Qańǵybas ıtter toǵyz jasar qyzdy talady
ASTANA. QazAqparat - RF Krasnoıar ólkesi boıynsha Tergeý komıteti organdarynyń qyzmetkerleri bir top qańǵybas ıttiń kishkentaı qyzǵa shabýyl jasaǵan oqıǵaǵa baılanysty tergeý aldy tekserý jumystaryn júrgizip jatyr.
Bul týraly Krasnoıar tergeý basqarmasynyń baspasóz qyzmeti habarlady.
Krasnoıardyń Sverdlov aýdanynda ıtter qyzǵa tarpa bas salyp, talaǵan.
Qyzdyń ákesi men sol mańnan ótip bara jatqandar kómekke keldi. Olar ıtterdi qýyp, jedel járdem shaqyrǵan.
Qazirgi ýaqytta oqıǵanyń mán-jaıy anyqtalyp jatyr. Tergeýshiler úı-kúısiz ıtterge jaýapty uıymdy anyqtap, kýágerlerden jaýap alýda.
