Mysyq tistegen mańǵystaýlyq turǵyn qutyrma aýrýynan kóz jumdy

AQTAÝ. KAZINFORM — Zardap shekken áıel mysyq tistegennen keıin qutyrma aýrýyna shaldyǵyp, qaza tapqan. Oblystyq sanıtarlyq — epıdemıologııalyq baqylaý departamentiniń málimetine súıensek, áıel ýaqytynda medıtsınalyq kómekke júginbegen.

Departamenttiń málimetinshe, oblysta jyl basynan beri janýarlar tistegen 1300-den astam jaǵdaı tirkelgen. Toǵyz aıdyń ishinde qutyrmaǵa qarsy vaktsına alýǵa — 1351 adam júgingen. Onyń 52 paıyzyn balalar, 4,4 paıyzyn jasóspirimder, al 43,4 paıyzyn eresekter quraıdy.

— Kóp jaǵdaıda shabýyl jasaýshylar — ıtter (barlyq jaǵdaıdyń 64,7 paıyzy), al mysyqtardyń úlesi — 34,1 paıyz. Itterdiń tisteýinen 823 adam, mysyqtardyń tisteýinen 461 adam, basqa janýarlardyń tisteýinen 67 adam zardap shekti, — delingen habarlamada. 

Qutyrma aýrýyna qarsy vaktsınany 801 adam alǵan, al 544 naýqasqa jaraqattyń aýyrlyǵy men ornalasýyna qaraı juqtyrý qaýpi joǵary bolǵan jaǵdaıda qoldanylatyn ımmýnoglobýlın egilgen. Mamandar janýar tistegende, tyrnaǵanda nemese olardyń silekeıi terige túsken kez-kelgen jaǵdaıda, tez arada dárigerge qaralýǵa jáne taǵaıyndalǵan ekpe kestesin qatań saqtaýǵa shaqyrady.

Buǵan deıin, It qaýyp alǵan Túrkistan oblysynyń turǵyny qutyrma aýrýynan qaıtys bolǵan edi

Al, Batys Qazaqstanda 2 myńdaı adamdy ıt pen mysyq tistegen.