«Kanelonyń» promoýteri shákirtiniń artyqshylyǵyn aıtty
ASTANA. QazAqparat - Meksıkalyq boksshy Saýl Alvarestiń (49-1-2, 34 KO) promoýteri Oskar de la Hoııa óz shákirtiniń artyqshylyqtary týraly aıtty, dep jazady Sports.kz.
Oskar de la Hoııanyń aıtýyna qaraǵanda, «Kanelo» qazaqstandyq boksshy Gennadıı Golovkınmen (38-0-1, 34 KO) alǵashqy jekpe-jeginde óziniń múmkindigin tolyq kórsetpedi dep esepteıdi.
«Kanelo» qozǵalyp bokstasady alady. Alaıda ol tóbelese almaıdy. Ol Golovkınmen salystyrǵanda jekpe-jektiń sheberi. Biz GGG kórdik, olar (Golovkın komandasy- avt.) shyn «Kanelony» kórmedi. Oǵan sizder 15 qyrkúıekte kýá bolasyzdar», - dedi De la Hoııa.
«Kanelo» men GGG ekinshi jekpe-jegi 15 qyrkúıekte Las-Vegastaǵy T-Mobile Arena-da ótedi.
Eske salaıyq, Golovkın men Alvarestiń promoýterleri alǵashynda aıqastyń bolmaıtynyn rastaǵan edi. Alaıda, keıin qaıta kelisim júrgizilip, bárine tıimdi sheshim qabyldandy. Golovkın men «Kanelonyń» ekinshi kezdesýiniń ótetini resmı túrde jarııa etildi.
